電影 2006年04月15日
《鎗王》是張國榮眾多戲中，一部被忽略的電影。而《旺角黑夜》是這部戲的續集。
(0)前兩晚坐在沙發上，看完了無線重播的『金枝玉葉』，我有這套戲的 VCD，反而未看過，第一次播看居然是看無線的重播！
原來那個做得很好的新人就是『小春』，當年他可愛十萬倍！
電影 2006年04月13日
第一次在網上看這套戲的 trailer 已經很想睇這部戲，套戲比我想像中好笑，與 Mr Bean 的電視版有得比。套戲開頭的卡通片十分精彩，所以唔好遲入場。不過呢種戲係適合我呢種無聊人睇，有D人會覺得呢套係一套悶戲，但我就笑足全場。所以，做人都係無聊底。
但我好想同後生一輩講，傻豹係一套外國的經典卡通，不是本地創作，雖然牠曾慘被成為本地色情雜誌『龍X豹』的吉祥物…
前幾日一支公去睇呢套戲，諗住套戲會係好王家衛 feel，但睇完發覺唔係咁似，反而我覺得套戲個結局係咪想講杜汶澤同梁洛施互相愛上對方呢？
隨心 2006年03月23日
買了部新 Discman，聽幾日，雖然未及n年前的 1-bit機種好聽，但都靚聲過我以前部 Pansonic ，我呢部新機只係三百幾，決定買多部粉紅色睇門口。
買機時，個 sales 話佢做左兩年，第一次賣 Discman 比客，佢仲話除左平， Discman 有乜好？我二話不說就拿學友隻『真情流露』CD 試比佢聽，佢話冇乜特別… 我只有笑笑口話冇錢買 MP3 嘛。
隨心 2006年03月02日
明日，三月三日，正東會推出 10X10 CDs，張國榮果兩隻一定會買，估計華星會在四月一日前推出大量張國榮的 DSD CDs。
每次買這些『新』CD我都會很開心，因為想起以前讀書要儲錢買，而家話買就買，好有滿足感。原來開心就是這麼簡單。
隨心 2006年03月01日
星期日的天氣尚可，去了香港仔水塘的郊野公園燒烤，今次是一次最原始的燒烤，要自己起爐，然後用火洗叉，再用叉把食物叉上，左轉右轉的燒熟食物。記得上一次這樣燒烤，應是多年前在石澳與我第一班的學生。
今次燒烤，發現這處有很多種類的燒烤爐，我們用的很像『紅館』，而我們就在紅館頂起爐！
